يا شعراء .. ما ترسلوا رسائلكم مع الطيور للبلد

[Siddig]

الاستاذة الشعراء لمان الغربة تعصر عليهم و ترهق قلوبهم الشفيفة
و مشارعهم الرقيقة ما بخلوا حاجة توصلهم للبلد او توصل مشاعرهم
للاحبة الا و يناجوها او يرسلوها محملة باحاسيسهم الجياشة،، ويستعينوا بالطيور فى هذه الايام والفلو بيرد منتشرة
ويا ربى هم قاصدين يرسلوا الفيروس الخطير

كل طائر مرتحل عبر البحر قاصد الاهل حملته اشواقي الدفينة
و
يا طير يا ماشي لاهلنا
و
الطير المهاجر الموصي بالوقوف عند الحبيب و بوس اياديه
يا طير الرهو

لحدي هنا و مفروض الاطباء البيطريين يتدخلوا لانه دا يعتبر
تحريض علي نقل انفلونزا الطيور و في الحالة دي يمكن تفسير
كلمة الحبيب علي نسق التعبير الدارج لمان الواحد يقول ليك
و الله الزول دا عمل فيني عملية و حبيتو ليك حب..... لاحظ
انه حباهو ليك انت ما لنفسه و دي دلالة واضحة علي انه ما
حباهو بل كرهو... و كمان الشاعر هذا الانسان الرقيق لو ما
ملحوق من البنية دي ما كان رسليها هذا الفيروس الخطير
ولا لي كل زمان و طال (اطيار)
طيب علي كدا براءه للمرحوم صلاح احمد ابراهيم بس بالله يا
شعراءنا المعاصرين اختوا الطير حتي لو اتكلم في الباقير
ياخي رسلو ايميلات او اعملوا ميس كول
احسن

و ان شاء الله طيرة حاملة فيروس ما تهاجر للسودان لو محرشة
من شاعر او منها وليها كدا

يا طير يا (كنت) ماشي لاهلنا
ما تمشي وما تحمل فيروسك

mangoo