منام عشان حبيبى / _/ سيداحمد الحاردلو

[Siddig]

رائعة الشاعر سيداحمد الحاردلو منام عشان حبيبى



أُمبارحْ

بى قِليلْ

وكت الليلْ

فَلْفَلْ . . بلحيلْ

. . شُفتَ منامْ

-خير إنْ شَا الله

- خيرْ

شُفتِكْ لا بسة بياضْ . . فى بياضْ

والدنيا دِى . . فوقِك . . زى العاجْ ،

فوق راسِك . . تاجْ

وسيف مسلولْ

والحِنه تزغرتْ فوق ايديكْ

وحريرة

ونور بيضوى عليكْ . .

- خيرْ ان شَا الله ،

- خيرْ

شُفتِك قاعدة . . تقول فوق عرشْ

والعالم كُلو . . بقول .. لبيكْ ،

-2-

وجَنْبِك ميه بتْ فرحانه

- خيرْ إنْ شا الله

- خيرْ

وناسْ

وزحامْ

وكلامْ

وسلامْ

وغناوى . . ونور

وحكاوى . . تدورْ

وشُفتَ كمانْ

واحد فرحانْ

قاعد جَنبْك

- خيرْ انْ شا الله

- خيرْ

أقول زى لا بسْ

نورْ فى نورْ

وبعاين ليكْ . . زى المسحورْ

-خيرْ إنْ شا الله

-خيرْ

وجنبو جماعه ،

كُتَارْ بلحيلْ

نازلين فى الداره ،

تقول الخيلْ

والليل شبالْ ،

والليل تُمْ . . تُمْ

والليل دلوكه ،

غناها . . نَضِمْ .

والليلْ . . يا ليلْ

مجنون . . بلحيلْ .

-3-

خيرْ إنْ شَا الله ،

خيرْ إن شَا الله

- خيرْ


mangoo

[ايزوار]

ارجو انو يكون خير في خير

لكن ما وريتنا شفت منو:rolleyes:

[webmaster]

شُفتِك قاعدة . . تقول فوق عرشْ

والعالم كُلو . . بقول .. لبيكْ ،



مبالغة

[عنو]

والله كــــــــــــــــــــــــــلام سمح بلحيــــــــــــــــــــــــل
:p

[Siddig]

كاتب الرسالة الأصلية : عنو
والله كــــــــــــــــــــــــــلام سمح بلحيــــــــــــــــــــــــل
:p


سمح انت :D